BAKI, 28 dekabr – «Xəbərlər-Azərbaycan». Bu gün Moskva-Lənkəran-Moskva marşrutu üzrə yeni təyyarə reysi açılır. “Azərbaycan Hava Yolları” Qapalı Səhmdar Cəmiyyətinin bu istiqamətdə Rusiyanın “Vim-avia” şirkəti ilə danışıqları artıq başa çatıb.
“Azərbaycan Hava Yolları” QSC prezidentinin köməkçisi Məhərrəm Səfərli bildirib ki, aviareyslər Rusiya şirkətinə məxsus “Boeinq-757” təyyarələri ilə həyata keçiriləcək.
Moskva-Lənkəran-Moskva reysi ilkin mərhələdə həftədə bir dəfə nəzərdə tutulub. Gələn ilin mart ayından isə uçuşların sayı artırılaraq həftədə iki dəfə olacaq. Bir tərəfə uçuş biletinin qiyməti 182 manat təşkil edəcək.
