BAKI, 24 dekabr – «Xəbərlər-Azərbaycan». Dekabrın 23-də keçirilmiş bələdiyyə seçkilərinin ilkin nəticələri məlumdur. Mərkəzi Seçki Komissiyasının sədri Məzahir Pənahov mediaya açıqlamasında səsverməyə 1 milyon 462 min 74 nəfərin - seçicilərin 31,86 faizi qatıldığını söyləyib.

O deyib ki, 439 bələdiyyəyə seçilmiş namizədlərin adları məlumdur, dekabrın 24-də isə bütün bələdiyyələr üzrə rəqəmlər bilinəcək.

Dünənki seçkidə 1718 bələdiyyəyə düşmək uğrunda 31 minə yaxın namizəd mübarizə aparıb.