Dövlət başçısı su xəttinin açılışını bildirən düyməni basaraq xətti işə salıb.
Tikintisi 2006-cı ilin mayında başlanmış su xəttinin uzunluğu 13,6 kilometrdir.
Siltik çayından 319 millimetrlik polad borularla çəkilən su xəttinin üstündə təmizləyici qurğu, hər birinin tutumu 1000 kubmetr olan 12 su anbarı tikilib.
Ümumi dəyəri 4 milyon manat olan su xətti Dövlət Neft Şirkətinin vəsaiti hesabına tikilib.
Su xətti yeni tikilməkdə olan xəstəxana kompleksini, şəhərin yeni yaşayış massivini içməli su ilə təchiz edəcək.
