BAKI, 21 oktyabr – «Xəbərlər-Azərbaycan». Samuxrayonunda inşa olunan və istehsal gücü ayda 500 tona qədər olan süd zavodunda 50 nəfərin işlə təmin olunacağı gözlənilir. Bu barədə məlumatı Samux rayon İcra Hakimiyyətinin başçısı Vilyam Hacıyev verib.
Onun sözlərinə görə, tikintisinə iki il əvvəl başlanılan zavod cari ilin sonlarında istifadəyə veriləcək. Müasir texnologiyalarla qurulan zavod Samux şəhərində 1 hektar ərazini əhatə edir. Gündəlik 15 tonadək məhsul qəbul edəcək zavoda süd və süd məhsulları istehsal olunacaq. V.Hacıyev məhsulların yerli, eləcə də xarici bazara ixrac olunacağını bildirdi.
