BAKI, 11 sentyabr – «Xəbərlər-Azərbaycan». Bu gün İrəvanda gənclər arasında Avropa çempionatı start götürüb.
Mübarizəyə başlayan cüdoçumuz Fəqan Eminoğlu (66 kq) ilk görüşündə estoniyalı Evert Roopsona qalib gələrək 1/8 final mərhələsinə vəsiqə qazanıb.
Ermənistana ezam olunmuş ANS TV-nin əməkdaşı Gündüz Abbaszadənin verdiyi məlumata görə, Fəqanın 1/8 finaldakı rəqibi monakolu Sedrik Bessi olacaq. Digər təmsilçilərimiz İlqar Muşkiyev (55 kq) və Rasim Əsədullayev (60 kq) birbaşa 1/8 final mərhələsindən mübarizəyə başlayacaqlar.
